‘Swarte Grûn’ by Nut en Genoegen
CultuurDe toanielploech fan Langsweagen stiet foar it 151ste jier op de planken. Dit winterskoft mei ‘Swarte Grûn’ fan J.J. Hijma. De spyldata binne: sneon 4 febrewaris (20.00 oere), snein 5 febrewaris (14.00 oere) en sneon 11 febrewaris (20.00 oere).
Toanielselskip Nut en Genoegen spilet trije kear it blijspul ‘Swarte Grûn’ yn doarpshûs it Paradyske fan Langsweagen. In stik mei humor en in reade trie dy’t net foar de hân leit.Oannimmer Sylstra fiert projekten út foar de oerheid, hy nimt it net sa krekt mei de wetjouwing. In miljeu-amtner wurdt wol hiel neiskjirrich en as wurknimmer Willem de saak yn de bulten jaget, wurdt it der net better op. In ynspekteur fan de plysje docht ûndersyk en hat help fan in sjoernalist. Der bart fan alles wat net allegearre troch de beugel kin, it plot is fansels wer ferrassend.
Tagong: 8 euro, donateurs fergees. Reservearje fia nutlangezwaag@gmail.com.